Պրեմիեր լիգա. Լիվերպուլյան դերբիում հաշիվը չբացվեց

Անգլիայի առաջնության 36-րդ տուրի շրջանակներում կայացավ մրցաշրջանի ամենասպասված հանդիպումներից մեկը’ լիվերպուլյան դերբին, որի շրջանակներում «Էնֆիլդ» մարզադաշտում հանդիպեցին «Լիվերպուլն» ու «Էվերտոնը»:

Ինչպես առաջին, այնպես էլ երկրորդ կեսում հիմնականում հավասար պայքար ծավալվեց ու չնայած կողմերն ունեին հաշիվը բացելու հնարավորություններ, սակայն դարպասի գրավում այդպես էլ չարձանագրվեց:

Կողմերը վաստակեցին մեկական միավոր ու շարունակում են մրցաշարային աղյուսակում հարևաններ մնալ, քանի որ Դևիդ Մոյեսի թիմը 60 միավորով 6-րդ տեղում է, Բրենդան Ռոջերսի թիմը 55 միավորով’ 7-րդը:

«Լիվերպուլ» 0-0 «Էվերտոն»