Ինյեստա. «Բարսելոնան» կախվածություն ունի Մեսսիից
Նմանատիպ
«Բարսելոնայի» կիսապաշտպան Անդրես Ինյեստան «Բետիսի» հետ հանդիպումից հետո (4:2) խոսել է ամռանը թիմում հնարավոր փոփոխությունների մասին:
-Աստծո օգնությամբ մենք շուտով կհաղթենք չեմպիոնական տիտղոսը: Անձամբ ես խոսքեր չեմ գտնում, որպեսզի նկարագրեմ, թե որքան կարևոր է այս հաղթանակն ինձ համար:
Իհարկե, թիմը կախվածություն ունի Մեսսիից, քանի որ նա առանձնահատուկ խաղացող է: Այդուհանդերձ, թիմի խաղը որպես մեկ ամբողջություն նույնպես կարևոր է: Երբ Լեոն մեզ հետ է, դա միշտ դրական պահերի է հանգեցնում:
Երբ խոսք է գնում փոխոխությունների անհրաժեշտության մասին, ապա մենք պետք է գտնենք նրանց, ովքեր կարող են թիմը դեպի լավ տանել: Վստահ եմ’ թիմի հիմնական մասը մրցունակ է մնում ու ի վիճակի է հաղթանակներ տանել: Այնպես որ, պետք չէ հավատալ տեղափոխությունների վերաբերյալ բոլոր այդ խելահեղ լուրերին:
Եթե մենք հաղթենք տիտղոսը, ապա այս մրցաշրջանը կարելի է հաջողված համարել: Կփորձենք չեմպիոն դառնալ նաև հաջորդ տարի,- ասել է Ինյեստան:
Հետևեք մեզ նաև Telegram-ում