«Լիվերպուլը» մրցաշրջանի ավարտից հետո կմեկնի ՀԱՀ

«Լիվերպուլը» հայտարարել է Հարավաֆրիկյան Հանրապետությունում ընկերական հանդիպում անցկացնելու մասին, որը կկայանա մայիսի 21-ին:

Ինչպես հայտնում է ակումբի պաշտոնական կայքը, լիվերպուլցիների մրցակիցը կլինի տեղի «Այաքս Քեյփթաունը»: Հատկանշական է, որ մերսիսայդյան ակումբը 1994 թվականից հետո առաջին անգամ է լինելու «Սև մայրցամաքում»:

-20 տարվա ընդմիջումից հետո ՀԱՀ վերադառնալը’ ֆանտաստիկ արդյունք է ակումբի համար: Մենք գիտենք, որ այդ զարգացող տարածաշրջանում մեր ակումբը շատ երկրպագուներ ունի:

Այս այցը կլինի ամառային մեր միջմրցաշրջանի մի մասն ու կօգնի իրականացնել ամբողջ աշխարհի մեր երկրպագուներին մոտ լինելու ցանկությունը, անկախ նրանից, թե նրանք որքան հեռու են գտնվում «Էնֆիլդից»,- ասել է «Լիվերպուլի» առևտրային տնօրեն Բիլի Հոգանը: