«Բարսելոնան» կփորձի գնել Գյունդողանին

«Բարսելոնայի» մարզչական շտաբը հետաքրքրված է Դորտմունդի «Բորուսսիայի» կիսապաշտպան Իլկայ Գյունդողանի ծառայություններով, հաղորդում է իսպանական մամուլը:

Արդեն տեղեկացվել է այն մասին, որ կատալոնական ակումբը ամռանը պատրաստվում է ամրապնդել թիմի կազմը: Մասնավորապես, խոսք է գնում կենտրոնական պաշտպանի ու հարձակվողի դիրքերի ուժեղացման մասին: Սակայն Գերմանիայի հավաքականի ֆուտբոլիստի վերջին հաջող ելույթները մեծ տպավորություն են թողել Տիտո Վիլանովայի ու նրա օգնականների մոտ: Միևնույն ժամանակ, դորտմունդյան ակումբը չի ցանկանում բաց թողնել իր ֆուտբոլիստին ու պատրաստվում է նրան նոր պայմանագիր առաջարկել: