Ռամոս. Լավ է` «Ռեալի» խաղացողները աջակցում են և՛ Կասիլյասին, և՛ Մոուրինյոյին
Նմանատիպ
Մադրիդի «Ռեալի» պաշտպան Սերխիո Ռամոսը նշել է, որ թիմի ավագ ու դարպասապահ Իկեր Կասիլյասի համար վերջին ժամանակները հեշտ չեն եղել, հաղորդում են իսպանական ԶԼՄ-ները:
Իսպանացի դարպասապահն ու պորտուգալացի մարզիչը իրար հետ չեն շփվում’ լարված հարաբերությունների պատճառով: Մասնագետը վերջին օրերին կրկին խոսել է այն խաղացողների մասին, ովքեր իրենց մյուսներից բարձր են դասում, բայց անուններ չի տվել: Միևնույն ժամանակ, շատերը կարծում են, որ նա ի նկատի է ունեցել հենց Կասիլյասին:
-Կասիլյասի համար վերջին ժամանակները շատ ծանր են եղել: Մենք լավ ընկերներ ենք: Մենք նաև միասին հանդես ենք գալիս Իսպանիայի հավաքականում; Բայց լավ է, որ մեր թիմի խաղացողները աջակցում են ինչպես Կասիլյասին, այնպես էլ Մոուրինյոյին: Մենք բոլորս նույն նպատակի համար ենք պայքարում,- ասել է Ռամոսը:
Հետևեք մեզ նաև Telegram-ում