Սանչիս. Մոուրինյոն չի հասնում «Ռեալի» առջև դրված նպատակներին` չնայած մեծ ծախսերին

Մադրիդի «Ռեալի» նախկին պաշտպան Մանոլո Սանչիսը խոսել է Ժոզե Մոուրինյոյի թիմի արդյունքների մասին, հաղորդում է իսպանական մամուլը: Սանչիսը կարծում է, որ պորտուգալացի մասնագետի աշխատանքում կան ինչպես դրական, այնպես էլ բացասական կողմեր:

-Մոուրինյոյի աշխատանքին դժվար է միանշանակ գնահատական տալ: Չպետք է մոռանանք այն, որ նա, երբ գլխավորեց «Ռեալը», «Բարսելոնան» լիովին իշխում էր Իսպանիայում: Իսկ այժմ դա այդքան էլ այդպես չէ: Բայց, մյուս կողմից, չեն կատարվել այն առաջադրանքները, որոնք դրված էին թիմի առջև: Իսկ դրանց համար քիչ գումարներ չեն ծախսվել: Միևնույն ժամանակ, այժմ պետք չէ վերջնական գնահատական տալ,- ասել է Սանչիսը: