Մանչինի. «Ման. Սիթիի» համար կարևոր է հաղթել Անգլիայի գավաթը

«Մանչեսթեր Սիթիի» գլխավոր մարզիչ Ռոբերտո Մանչինին խոսել է Անգլիայի գավաթի եզրափակչից իր ակնկալիքների մասին, որի շրջանակներում «քաղաքայինների» մրցակիը կլինի «Ուիգանը»:

-«Սուոնսիի» հետ մեզ դժվար էր խաղալ, քանի որ խաղացողներն արդեն մտածում էին եզրափակչի մասին: Միևնույն ժամանակ, բոլոր խաղերն էլ կարևոր են, ու մեզ պետք է հաղթել Անգլիայի գավաթը: Շաբաթվա կեսին մենք Անգլիայի առաջնությունում կմրցենք «Վեստ Բրոմվիչի» հետ, թեև, իհարկե, իդեալական կլիներ ողջ շաբաթվա ընթացքում պատրաստվել եզրափակիչ խաղին: Սակայն, մրցակցին էլ այդ օրը հանդիպում ունի, այնպես որ, մենք հավասար պայմաններում ենք,- ասել է Մանչինին: