Գատտի. Լիարժեք երջանիկ լինելու համար Մեսսին պետք է տեղափոխվի «Ռեալ»
08/05/2013 13:43
Նմանատիպ
Արգենտինայի հավաքականի նախկին դարպասապահ Ուգո Գատտին կարծում է, որ «Բարսելոնայի» հարձակվող Լիոնել Մեսսին պետք է փոխի իր ակումբային գրանցումը, հաղորդում են հարավամերիկյան ԶԼՄ-ները:
Գատտին կարծում է, որ իր հայրենակիցը պետք է համալրի Մադրիդի «Ռեալի» շարքերը:
-«Ռեալի» կազմում Մեսսին իրեն ավելի լավ կողմերով կդրսևորի: Ու նա երբեք լիարժեք երջանիկ չի լինի, եթե չպաշտպանի «Արքայական» ակումբի գույները: Եթե նա փոխի ակումբային գրանցումը, ապա կկարողանա համեմատվել այնպիսի ֆուտբոլիստների հետ, ինչպիսիք են Պելեն ու Մարադոնան,- ասել է Գատտին:
Հիշեցնենք’ Մեսսին մեկ անգամ չէ, որ նշել է’ անգամ չի էլ մտածում Մադրիդ տեղափոխվելու մասին:
Հետևեք մեզ նաև Telegram-ում