Ժիրու. «Բավարիան» հետաքրքրվում էր ինձանով, բայց ընտրեց Մանջուկիչին

«Արսենալի» հարձակվող Օլիվյե Ժիրուն պատմել է, որ Մյունխենի «Բավարիայի» մարզչական շտաբը հետաքրքրվել է իր ծառայություններով, հաղորդում է անգլիական մամուլը: Ճիշտ է, գերմանական գրանդը նախապատվությունը տվել է Մարիո Մանջուկիչին, սակայն Ժիրուն չի ափսոսում դրա համար:

-Անձամբ ես չեմ կապվել նրանց հետ, բայց իմ գործակալը հանդիպել է «Բավարիայի» ներկայացուցիչների հետ: Նրանք մտածելու համար ժամանակ էին վերցրել, ու ի վերջո ընտրեցին Մանջուկիչին: Բայց ես երջանիկ եմ, որ խաղում եմ «Արսենալում»: Ինձ շատ է դուր գալիս անգլիական ֆուտբոլը, իսկ այստեղ մարդիկ ապրում են այդ մարզաձևով,- ասել է Ժիրուն: