Թերրի. Մոուրինյոն հետաքրքրվում է` ինչ է կատարվում «Չելսիում»
08/05/2013 14:10
Նմանատիպ
«Չելսիի» պաշտպան Ջոն Թերրին իսպանական ԶԼՄ-ների հետ զրույցում նշել է, որ «Ռեալի» գլխավոր մարզիչ Ժոզե Մոուրինյոն ակտիվորեն հետաքրքրվում է նրանով, ինչը վերաբերում է անգլիական ակումբին:
Հիշեցնենք’ շատերը համոզված են, որ պորտուգալացի մասնագետը հաջորդ մրցաշրջանում գլխավորելու է իր նախկին ակումբը: Չնայած դրան’ նա վերջերս նշել է, որ նախատեսում է մնալ «Արքայական» ակումբում:
-«Չելսիի» երկրպագուները շատ են սիրում Մոուրինյոյին ու հասկանալի է, որ նրանք ցանկանում են նրան տեսնել թիմի ղեկին: Բայց կարևոր է հարգանք ցուցաբերել «Ռեալի» նկատմամբ, քանի որ Ժոզեն պայմանագիր ունի այդ ակումբի հետ: Մոուրինյոն միշտ հետաքրքրվում է նրանով, ինչ կատարվում է մեր ակումբում: Նա շփվում է ոչ միայն ինձ, այլև մյուս ֆուտբոլիստների հետ,- ասել է Թերրին:
Հետևեք մեզ նաև Telegram-ում