Պույոլը հնարավոր է հայտնվի «Միլանում»

Ինչպես ավելի վաղ տեղեկացվել էր, «Բարսելոնայի» ավագ Կառլես Պույոլը դիտարկում է այս մրցաշրջանի ավարտից հետո թիմը լքելու հնարավորությունը:

Կատալոնական BTV հեռուստաընկերությունը այժմ տեղեկացնում է, որ ֆուտբոլիստը կարող է կարիերան շարունակել «Միլանում»:

Հիշեցնենք’ հունվարին նա նոր պայմանագիր էր կնքել կատալոնական ակումբի հետ, որը գործում է մինչև 2016 թվականի ամառը:

35-ամյա ֆուտբոլիստը այս մրցաշրջանում մասնակցել է Իսպանիայի առաջնության 13 հանդիպման’ դառնալով մեկ գոլի հեղինակ: