Գործակալ. Աբիդալը սկսում է հիասթափվել «Բարսելոնայից»
Նմանատիպ
«Բարսելոնայի» պաշտպան Էրիկ Աբիդալի գործակալ Դավիդ Վենդիտելլին նշել է, որ ակումբի մարզչական շտաբի ու ղեկավարության դիրքորոշումը իր հաճախորդի մոտ հիասթափություն է առաջացնում, հաղորդում է իսպանական մամուլը:
Հիշեցնենք’ կատալոնական ակումբը չի շտապում ֆրանսիացուն նոր պայմանագիր առաջարկել: «Բարսելոնայում» վստահ չեն նրանում, որ Աբիդալը հաջորդ մրցաշրջանում առողջական խնդիրներ չի ունենա ու կսկսի ցուցադրել իր լավագույն խաղը: «Կապտանռնագույնները» չեն բացառում ֆրանսիացու հետ համագործակցելու այլ տարբերակ: Սակայն մինչ այսօր միանշանակ ոչինչ հայտնի չէ:
-Պայմանագիրը երկարաձգելու «Բարսելոնայի» առաջարկության ձգձգումը Աբիդալին ամենից շատն է հիասթափեցնում: Նրա համար ամենից դժվարը սպասելն է, քանի որ նա պատրաստ է ինչպես դրական, այնպես էլ բացասական պատասխանի,- ասել է գործակալը:
Հետևեք մեզ նաև Telegram-ում