«Շախտյորը» եզրափակչում է. Մխիթարյանը` դուբլի և գոլային փոխանցման հեղինակ (տեսանյութ)

Ուկրաինայի գավաթի խաղարկության կիսաեզրափակիչ փուլում Դոնեցկի «Շախտյորը» 2:4 հաշվով հաղթանակ տոնեց «Սևաստոպոլի» նկատմամբ և նվաճեց եզրափակչում հանդես գալու ուղեգիր:

Հյուրերի կազմում երկու գոլերը հեղինակեց Հայաստանի ազգային հավաքականի կիսապաշտապան Հենրիխ Մխիթարյանը` 19-րդ և 54-րդ րոպեներին: Հայ ֆուտբոլիստը դարձավ նաև գոլային փոխանցման հեղինակ. 65-րդ րոպեին նրա փոխանցումից հետո աչքի ընկավ Լուիս Ադրիանոն: Վերջինս խփել էր նաև «հանքափորների» առաջին գոլը:

Նշենք նաև, որ դաշտի տերերի կազմում դուբլ է ձևակերպել Սերգեյ Տկաչյովը: