Դիտարժան պայքարում «Չելսին» և «Տոտենհեմը» ոչ-ոքի խաղացին (տեսանյութ)

Անգլիայի առաջնության 36-րդ տուրի կենտրոնական խաղն ավարտվեց 2:2 հաշվով:

Մրցաշարային աղյուսակի լավագույն եռյակը եզրափակող Լոնդոնի «Չելսին» հյուրընկալել էր «Տոտենհեմին»: Հանդիպման հաշիվը 11-րդ րոպեին բացեց Օսկարը: 26-րդ րոպեին Էմանուել Ադեբայորը շքեղ գոլով վերականգնեց հաշվի հավասարությունը, սակայն նախքան ընդմիջման գնալը, դաշտի տերերը կրկին առաջ անցան. 39-րդ րոպեին գոլի հեղինակ դարձավ Ռամիրեսը:

Այնուհանդերձ, վերջին խոսքը «Տոտենհեմինն» էր. 80-րդ րոպեին Սիգուրդսոնը ձևակերպեց խաղի վերջնական հաշիվը` 2:2:

Այս խաղից հետո «Չելսին» 69 միավորով շարունակում է ընթանալ երրորդ հորիզոնականում, իսկ «Տոտենհեմը» 66 միավորով հինգերորդն է: