Վիլլաշ-Բոաշ. Պետք է հավատանք` կհայտնվենք Չեմպիոնների լիգայում

«Տոտենհեմի» գլխավոր մարզիչ Անդրե Վիլլաշ-Բոաշը Անգլիայի առաջնության «Չելսիի» հետ հանդիպումից հետո (2:2) խոսել է Չեմպիոնների լիգայում հայտնվելու իր թիմի հնարավորությունների մասին:

-Ամեն ինչ կարող է պատահել: Պրեմիեր լիգան շատ անկանխատեսելի մրցաշար է, վերջին հանդիպումները բուռն էմոցիաների պատճառով կարող են վճռորոշ դառնալ: Պետք է պահպանել հավատը: Պարզ է, որ իրավիճակը փոխվել է ու մեր ճակատագիրը մեր ձեռքերում չէ:

Հուսով եմ’ մեզ կհաջողվի հաղթանակներ տոնել վերջին երկու հանդիպումներում ու վերջիվերջո վեր կբարձրանանք: Ընդհանուր առմամբ, ես գոհ եմ թիմի ելույթներից,- ասել է պորտուգալացին:

«Տոտենհեմը» ներկա պահին զբաղեցնում է 5-րդ տեղը’ «Արսենալից» հետ մնալով 1, իսկ «Չելսիից»’ 3 միավորով: