Կարանկա. Ռոնալդուի համար «Ռեալը» իդեալական ակումբ է

«Ռեալի» գլխավոր մարզիչ Ժոզե Մոուրինյոյի օգնական Այտոր Կարանկան մեկնաբանել է հարձակվող Կրիշտիանու Ռոնալդուի ապագայի հարցը «Արքայական» ակումբում:

«Մալագայի» հետ երեկ կայացած մրցավեճում (6:2) պորտուգալացին մադրիդյան թիմի մարզաշապիկով իր 200-րդ գոլը խփեց, սակայն նրա շուրջ շարունակվում են խոսակցություններ պտտվել, թե նոր մրցաշրջանը կսկսի այլ ակումբի կազմում: Այս առումով հիշատակվում են «Մանչեսթեր Յունայթեդի» ու «ՊՍԺ»-ի անունները:

-Մոուրինյոն արդեն պատասխանել է Ռոնալդուի ապագայի հետ կապված հարցին: «Ռեալը» իդեալական ակումբ է Կրիշտիանուի համար, իսկ «Ռեալի» համար էլ հիանալի է ունենալ այնպիսի խաղացողի, ինչպիսին նա է: Վստահ եմ’ Ռոնալդուն կարող է այստեղ էլ շարունակել իր առաջընթացը,- ասել է Կարանկան:

Ռոնալդուն Պրեմիերայի ընթացիկ առաջնությոնում անցկացրել է 32 հանդիպում’ դառնալով 33 գոլի հեղինակ: