Մատրի. Ցանկանում եմ մնալ «Յուվենտուսում»

Ալեսսանդրո Մատրին չի պատրաստվում մրցաշրջանի ավարտից հետո տեղափոխվել այլ ակումբ: Ակումբի պաշտոնական կայքը մեջբերել է ֆուտբոլիստի խոսքերը.

-Ես ցանկանում եմ մնալ Թուրինում: Վերջին ժամանակներս բոլորը միայն ասում են, որ «Յուվենտուսին» համաշխարհային մակարդակի հարձակվողներով պետք է ուժեղացնել առջևի գիծը: Սակայն նրանք մոռանում են` ինչպիսի լավ աշխատանք են կատարում Անտոնիո Կոնտեի ղեկավարության ներքո գտնվողները:

Գուցե Եվրոպայում առավել հաջող հանդես գալու համար մեզ անհրաժեշտ են թոփ մակարդակի հարձակվողներ, սակայն երկու անընդմեջ սկուդետտոյից հետո մարդիկ պետք է արժանի մատուցեն նրանց, ովքեր օգնել են «Յուվենտուսին» նվաճել դրանք: