«Յուվենտուսը» Կավանիի համար առաջարկում է 30 մլն. ու երեք խաղացողների
10/05/2013 15:56
Նմանատիպ
«Յուվենտուսը» ամեն կերպ ցանկանում է ձեռք բերել «Նապոլիի» հարձակվող Էդինսոն Կավանիին:
Ըստ վերջին տեղեկությունների’ թուրինյան ակումբը հերթական առաջարկն է ներկայացրել: «Ծեր Սինյորան» ուրուգվայցու համար պատրաստ է վճարել 30 մլն. եվրո ու նեապոլիտանական ակումբին հանձնել իր երեք խաղացողներին: «Նապոլին» պետք է ընտրություն կատարի հետևյալ չորս խաղացողներից’ Իսլա, Վուչինիչ, Մատրի ու Դե Չելյե:
Միևնույն ժամանակ, նեապոլցիների սեփականատեր Աուրելիո դե Լաուրենտիսը ավելի վաղ հայտարարել էր, որ ակումբը պատրաստվում է Կավանիին նոր պայմանագիր առաջարկել’ աշխատավարձի նկատելիորեն բարձրացումով:
Ընդգծենք, որ ուրուգվայցի ռմբարկուի տրանսֆերային արժեքը գնահատվում է 63 մլն. եվրո: Բացի «Յուվենտուսից», նրան ցանկանում են գնել նաև «Ռեալը», «ՊՍԺ»-ն ու «Մանչեսթեր Սիթին»:
Հետևեք մեզ նաև Telegram-ում