Մադրիդի մրցաշար (WTA). Սերենա Ուիլյամսը դուրս եկավ եզրափակիչ

11/05/2013 15:38

Ամերիկուհի Սերենա Ուիլյամսը WTA-ի Մադրիդի մրցաշարի եզրափակչի ուղեգիր է ձեռք բերել’ կոտրելով իտալուհի Սառա Էրանիի դիմադրությունը’ 7-5, 6-2:

Հանդիպումը տևել է 1 ժամ, 34 րոպե: Ամերիկուհին վաստակել է հինգ բրեյք’ դրա հետ մեկտեղ իր մատուցումները զիջելով միայն երկու անգամ:

Սերենայի ու Սառայի անձնական հանդիպումների վիճակագրությունը ուղղակի աղետալի է իտալուհու համար’ 0-5:

Եզրափակիչ մրցավեճում Ուիլյամսի մրցակիցը կլինի Մարիա Շարապովա (Ռուսաստան) – Անա Իվանովիչ (Սերբիա) զույգի հաղթողը: