«Ռեալի» ոչ-ոքին չեմպիոնական էր «Բարսելոնայի» համար (տեսանյութ)

Իսպանիայի առաջնության 36-րդ տուրի շրջանակներում կայացած «Էսպանյոլ»-«Ռեալ» հանդիպումն ավարտվեց 1:1 հաշվով:

Առաջին աչքի ընկան դաշտի տերերը. 23-րդ րոպեին գոլի հեղինակ դարձավ Ստուանին: «Ռեալը» պատասխանեց միայն երկրորդ խաղակեսի 58-րդ րոպեին. Լուկա Մոդրիչի փոխանցումից հետո հաշիվը հավասարեցրեց Գոնսալո Իգուայինը:

«Ռեալի» այս ոչ-ոքին հնարավորություն տվեց կատալոնական «Բարսելոնային» ժամանակից շուտ հռչակվել Իսպանիայի ընթացիկ առաջնության չեմպիոն, քանի որ առաջին և երկրորդ հորիզոնականները զբաղեցնող այս թիմերի միջև եղած 7 միավորի տարբերությունը «Ռեալն» այլևս առաջնության մնացած երկու խաղում չի կարողանա ետ բերել: