Կոնտե. Հաջորդ տարի «Յուվեին» դժվար կլինի հաղթել Սկուդետտոն

«Յուվենտուսի» գլխավոր մարզիչ Անտոնիո Կոնտեն թուրինյան ակումբի’ Ա Սերիայում երկրորդ անընդմեջ չեմպիոնությունից հետո նշել է, որ հաջորդ մրցաշրջանում թիմին դժվար կլինի ևս մեկ անգամ պաշտպանել տիտղոսը:

-Ուրախալի է, որ մենք հասանք հաջողության ու կարողացանք պաշտպանել տիտղոսը անցած տարվա մեծագույն մրցաշրջանից հետո: Այս երկու տարիների հաջողությունների մեջ ամենամեծ լուման ներդրել են ֆուտբոլիստները, ովքեր լրջորեն էին վերաբերվում մարզումներին ու մեծ աշխատանք էին կատարում: Կարո՞ղ ենք հաղթել երրորդ անգամ. Դա անելը դժվար է լինելու, քանի որ պետք է շատ աշխատենք ու հավատանք հաջողությանը: Հաջորդ մրցաշրջանում դժվար կլինի հաղթել Սկուդետտոն,- ասել է Կոնտեն: