Բենիտես. Լեմպարդի համար սա ֆանտաստիկ ձեռքբերում է

«Չելսիի» գլխավոր մարզիչ Ռաֆա Բենիտեսը խոսել է Պրեմիեր լիգայի առաջնության «Ասթոն Վիլլայի» հետ հանդիպման մասին, որում լոնդոնցիները հաղթեցին 2-1 հաշվով:

Հիշեցնենք’ այդ խաղում դուբլ հեղինակեց թիմի կիսապաշտպան Ֆրենկ Լեմպարդն ու «Չելսիում» խփած գոլերի թիվը հասցրեց 203-ի’ այդպիսով դառնալով ակումբի պատմության լավագույն ռմբարկուն’ շրջանցելով թիմի 60-ականների հարձակվող Բոբբի Թեմբլինգին: Միևնույն ժամանակ, «կապույտները» երաշխավորեցին իրենց տեղը Չեմպիոնների լիգայի հաջորդ խաղարկությունում:

-Լեմպարդի համար սա ֆանտաստիկ ձեռքբերում է: Նա խփել է մեծ քանակությամբ գոլեր: Հուսով եմ’ մինչ մրցաշրջանի ավարտը նա կկարողանա ևս մի քանի անգամ գրավել մրցակիցների դարպասը:

Ընդհանուր առմամբ, գոհ եմ «Ասթոն Վիլլայի» հետ խաղից: Մենք 10 հոգով էինք մնացել Ռամիրեսի հեռացումից հետո, բայց կարողացանք երեք միավոր վաստակել: Այժմ մենք երաշխավորեցինք մեր տեղը լավագույն քառյակում,- ասել է Բենիտեսը: