Մարսելոն տոնում է ծննդյան 25-ամյակը
12/05/2013 15:11
Նմանատիպ
Այսօր իր ծննդյան 25-րդ տարեդարձն է նշում Մադրիդի «Ռեալի» ու Բրազիլիայի հավաքականի պաշտպան Մարսելոն:
Բրազիլացի եզրայինը իր կարիերայի սկզբնական մասում’ 2005-06 թթ. մրցաշրջանում հանդես է եկել հայրենիքի «Ֆլումինենսե» ակումբի կազմում, իսկ 2006 թվականից սկսած պաշտպանում է «Արքայական» ակումբի գույները:
Նա մադրիդյան թիմի հետ երեք անգամ հաղթել է Իսպանիայի առաջնությունում (2006/07, 2007/08, 2011/12), մեկ անգամ’ Իսպանիայի գավաթում (2011), երկու անգամ էլ’ երկրի Սուպերգավաթում (2008, 2012):
Ինչ վերաբերում է Բրազիլիայի հավաքականին, ապա այստեղ Մարսելոն հանդես է գալիս 2006 թվականից ու հասցրել է մասնակցել Օլիմպիական երկու խաղերի: Պեկինում 2008 թվականին պաշտպանը հավաքականի հետ արժանացել է բրոնզե, իսկ Լոնդոնում 2012 թվականին’ արծաթե մեդալի:
Հետևեք մեզ նաև Telegram-ում