Վենգեր. «ՊՍԺ»-ի հետ ոչ մի շփում չի եղել
12/05/2013 15:56
Նմանատիպ
«Արսենալի» գլխավոր մարզիչ Արսեն Վենգերը խոստովանել է, որ «ՊՍԺ»-ից առաջարկ չի ստացել’ այդ ակումբը գլխավորելու համար:
Ֆրանսիական թիմի ներկայիս գլխավոր մարզիչ Կառլո Անչելոտիին ԶԼՄ-ներն արդեն երկար ժամանակ է’ ուղարկում են Մադրիդի «Ռեալ» ու տեղեկացվում էր, որ հենց Վենգերն է այդ պաշտոնում փոխարինելու իտալացի մասնագետին:
-«ՊՍԺ»-ի հետ ոչ մի շփում չի եղել: Անչելոտին այնտեղ մեծ աշխատանք է կատարել, ու ես չեմ հասկանում, թե ինչու նրան չեն ցանկանում պահել պաշտոնում:
Ինչ վերաբերում է ինձ, ապա ես պայմանագրային պարտավորություններ ունեմ «Արսենալի» հետ, որը մարզում եմ արդեն 17 տարի: Չեմ պատկերացնում, թե ինչպես կարող եմ պարզապես թողնել ու հեռանալ այստեղից’ չհարգելով ակումբի հետ ունեցած համաձայնությունս,- ասել է Վենգերը BeIn Sport-ի հետ զրույցում:
Հետևեք մեզ նաև Telegram-ում