Անչելոտին կփորձի Պիռլոյին բերել «Ռեալ»

«ՊՍԺ»-ի գլխավոր մարզիչ Կառլո Անչելոտին «Ռեալի» ղեկավարությանը խնդրել է ձեռք բերել «Յուվենտուսի» կիսապաշտպան Անդրեա Պիռլոյին, հաղորդում է իտալական մամուլը:

Չի բացառվում, որ տրանսֆերային հնարավոր գործարքի մեջ ներգրավվի նաև մադրիդցիների հարձակվող Գոնսալո Իգուաինը:

Հիշեցնենք’ իսպանական ԶԼՄ-ները բազմիցս գրել են, որ իտալացի մասնագետը համարվում է «Արքայական» ակումբը գլխավորելու գլխավոր թեկնածուն այն դեպքում, եթե իր պաշտոնից հեռանա Ժոզե Մոուրինյոն: Պորտուգալացի մասնագետի վերադարձը «Չելսի» շատերն արդեն կայացած փաստ են համարում: Միևնույն ժամանակ, Մոուրինյոն վերջերս նշել էր, որ մտադիր է մնալ «Ռեալում»: