«Ռեալի» երկրպագուները ցանկանում են թիմում տեսնել ոչ թե Նեյմարին, այլ Բեյլին

Իսպանական AS պարբերականը «Ռեալի» երկրպագուների շրջանում հարցում է անցկացրել’ պարզելու, թե որ ֆուտբոլիստներին են նրանք ցանկանում թիմում տեսնել նոր մրցաշրջանում: Մադրիդյան թիմի համակիրները պետք է ընտրություն կատարեին «Սանտոսի» հարձակվող Նեյմարի ու «Տոտենհեմի» կիսապաշտպան Գարեթ Բեյլի միջև:

Հարցումը ցույց տվեց, որ «սերուցքայինների» երկրպագուների ճնշող մեծամասնությունը իր ընտրությունը կատարել է ուելսցի խաղացողի օգտին: Նրա օգտին քվեարկել է հարցվածների 93%-ը: Ընդհանուր առմամբ, հարցմանը մասնակցել է 60 000 ֆուտբոլասեր:

Հիշեցնենք’ «Ռեալը» հետաքրքրված է այս երկու ֆուտբոլիստների ծառայություններով: Բրազիլիայի հավաքականի ֆուտբոլիստին «Արքայական» ակումբը առաջարկում է վեց տարվա պայմանագիր ու տարեկան 10 մլն. եվրո աշխատավարձ: