«Բավարիան» հերքել է` պայմանագիր է կնքել Նեյմարի հետ

«Բավարիան» հերքել է «Սանտոսի» հարձակվող Նեյմարի հետ պայմանագիր կնքելու մասին տեղեկությունը, հաղորդում է Sky Sports Deutschland-ը:

Հիշեցնենք’ այսպիսի տեղեկատվություն էր տարածվել բրազիլական ակումբի նախկին փոխնախագահ Վիսենտե Կասկիոնեի հայտարարությունից հետո, ով վստահությամբ նշել էր, որ նոր մրցաշրջանից Նեյմարը պաշտպանելու է մյունխենյան թիմի գույները:

Ավելի վաղ տեղեկացվում էր, որ Բրազիլիայի հավաքականի ֆուտբոլիստը նախնական պայմանագիր է կնքել «Բարսելոնայի» հետ: Դրանից հետո էլ հայտնի դարձավ, որ «Ռեալը» միջամտում է պայքարին’ երիտասարդ խաղացողի համար առաջարկելով միանգամից 100 մլն. եվրո: