Ջոկովիչ. Պարտությունները հաղթանակների նման կարևոր են

Հռոմի մրցաշարի մեկնարկից առաջ աշխարհի առաջին ռակետ Նովակ Ջոկովիչը հարցազրույց է տվել ATP World Tour-ին` անդրադառնալով նաև Մադրիդի մրցաշարի անհաջողությանը: Հիշեցնենք, որ Մադրիդում արդեն երկրորդ փուլում Նովակը պարտություն կրեց Գրիգոր Դիմիտրովից:

-Մադրիդում անցկացրած մեկ շաբաթս շատ տարօրինակ էր: Ես այժմ այդ ամենին նայում եմ` որպես փորձ: Յուրաքանչյուր պարտություն կարևոր է այնքան, որքան հաղթանակը:

Հռոմ եմ եկել դեռևս անցյալ չորեքշաբթի, այստեղ գրեթե մեկ շաբաթ եմ անցկացրել` տքնաջան աշխատելով, որպեսզի լավ ելույթներ ունենամ,-ասել է Ջոկովիչը: