«Լիվերպուլը» «Բարսելոնային» առաջարկում է Տելյո-Ռեյնա փոխանակություն

«Բարսելոնայի» հարձակվող Քրիստիան Տելյոն իր վրա է հրավիրել եվրոպական մի շարք ակումբների ուշադրությունը, հաղորդում է իսպանական մամուլը:

Նրա ծառայություններով հետաքրքրվողներից մեկը «Լիվերպուլն» է: Մերիսիսայդցիների մարզչական շտաբը կարծում է, որ Տելյոն կարող է շատ օգտակար լինել թիմին հաջորդ մրցաշրջանում: Երիտասարդ ֆուտբոլիստին իր կազմում տեսնելու համար «Լիվերպուլը» պատրաստ է կատալոնական ակումբին զիջել իր առաջատարներից մեկին: Օրինակ’ դարպասապահ Պեպե Ռեյնային, որի գնմամբ հետաքրքրված է Տիտո Վիլանովան: Անգլիական ակումբի ղեկավարությունը գիտի, որ «կապտանռնագույնները» փոխարինող են փնտրում դարպասապահ Վիկտոր Վալդեսին, ու առաջարկում են Տելյո-Ռեյնա փոխանակություն կատարել: