«Բարսելոնան» պատրաստ է բաց թողնել Տիագո Ալկանտարային

«Բարսելոնայի» կիսապաշտպան Տիագո Ալկանտարան այս մրցաշրջանի ավարտից հետո կարող է տրանսֆերի հանվել, հաղորդում է El Mundo Deportivo-ն:

Ըստ աղբյուրի տեղեկությունների’ կատալոնական թիմի ղեկավարությունն ու մարզչական շտաբը դժգոհ են 22-ամյա ֆուտբոլիստի դանդաղ առաջընթացից:

Ըստ Football Espana-ի’ «Բարսելոնան» պատրաստ է 25 մլն. եվրոյի դիմաց վաճառել Ալկանտարային, իսկ նրա ծառայություններով հետաքրքրված են «Բավարիան» ու «Մանչեսթեր Սիթին»:

Իսպանիայի ընթացիկ առաջնությունում անցկացրած 24 խաղերում կիսապաշտպանը խփել է 2 գոլ ու կատարել 5 արդյունավետ փոխանցում: