Վենգեր. Չեմպիոնների լիգայի ուղեգրի ճակատագիրը մեր ձեռքերում է

«Արսենալի» գլխավոր մարզիչ Արսեն Վենգերը վստահ է, որ իր թիմը մրցաշրջանը կավարտի Չեմպիոնների լիգայի ուղեգիր տվող հորիզոնականում:

Երեկ «կանոնիերները» 4-1 հաշվով հաղթեցին «Ուիգանին» ու ևս մեկ քայլով մոտեցավ եվրոգավաթներին: Պրեմիեր լիգայի ավարտից մեկ տուր առաջ լոնդոնցիները զբաղեցնում են 4-րդ տեղը’ մոտակա հետապնդող «Տոտենհեմից» առաջ անցնելով մեկ միավորով:

-Իհարկե, Չեմպիոնների լիգայի 4-րդ ուղեգրի տիրակալի հարցը բաց է մնում: Սակայն նրա ճակատագիրը մեր ձեռքերում է ու ամեն ինչ կախված է մեր արդյունքից: Եթե մենք հաղթենք հաջորդ հանդիպումը, ապա առաջնությունը կավարտենք երրորդ տեղում:

Ես վստահ եմ իմ տղաների վրա, քանի որ մենք բավականաչափ փորձ ունենք: Վերջին ժամանակներս մենք սովորել ենք խաղալ ճնշման տակ: Թիմը միշտ դուրս է գալիս դժվարին իրավիճակներից,- ասել է Վենգերը: