Մովսիսյանը մարզվում է ընդհանուր խմբում, բայց կարող է բաց թողնել «Կրասնոդարի» հետ խաղը

«Սպարտակի» այսօրվա մարզման մի մասը ընդհանուր խմբում է անցկացրել Հայաստանի հավաքականի հարձակվող Յուրա Մովսիսյանը, հաղորդում է ակումբի պաշտոնական կայքը;

Հայ հարձակվողը մարզման ընթացքում վարժություններ է կատարել ընդհանուր խմբի հետ, իսկ մնացած մասում մարզվել է անհատական ծրագրով:

-Ցավեր արդեն չեմ զգում: Աստիճանաբար սկսում եմ մարզավիճակ հավաքել,- մարզումից հետո ասել է Մովսիսյանը:

Դեռևս պարզ չէ, թե կկարողանա արդյոք հարձակվողը մասնակցել «Կրասնոդարի» հետ առաջիկա հանդիպմանը, որը կկայանա շաբաթ օրը: