Լապորտա. Շատ հարգում եմ Մոուրինյոյին, բայց ընտրեցի Գվարդիոլային
Նմանատիպ
«Բարսելոնայի» նախկին նախագահ Ժուան Լապորտան գովասանքի խոսքեր է հնչեցրել «Ռեալի» ներկայիս գլխավոր մարզիչ Ժոզե Մոուրինյոյի հասցեին, հաղորդում են իսպանական ԶԼՄ-ները:
Լապորտան ընդգծել է, որ իր կառավարման ժամանակ հանդիպում է ունեցել պորտուգալացի մասնագետի գործակալի հետ:
-Մոուրինյոն մեծ պրոֆեսիոնալ է, ում նկատմամբ մեծ հարգանք եմ տածում: Իմ’ նախագահ լինելու ժամանակ հանդիպել եմ Մենդեշի հետ, որի հետ մտերիմ հարաբերությունների մեջ եմ: Ասացի նրան, որ արդեն չեմ կարող դիտարկել Մոուրինյոյի’ «Բարսելոնան» ղեկավարելու հնարավորությունը, քանի որ ընտրություն էի կատարել Գվարդիոլայի օգտին: Պեպը’ մեր ակումբի մարդ է, Յոհան Կրոյֆի ղեկավարությամբ հաղթել է Չեմպիոնների լիգայում: Նա շարունակեց Կրոյֆի դավանած փիլիսոփայությունը, որը պահպանել էր նաև Ֆրանկ Ռայկարդը: Մենք չէինք ցանկանում այլ խաղաոճ օգտագործել,- ասել է Լապորտան:
Հետևեք մեզ նաև Telegram-ում