Դևիդ Բեքհեմի հրաժեշտի և շնորհակալության խոսքերը
Նմանատիպ
Աշխարհահռչակ անգլիացի ֆուտբոլիստը կարիերան ավարտելու մասին գրառում է կատարել Facebook-ի պաշտոնական էջում:
«Շնորհակալ եմ «ՊՍԺ»-ին կարիերաս շարունակելու հնարավորություն ընձեռնելու համար, սակայն ես զգում եմ` այժմ ճիշտ ժամանակն է: Եթե դուք ինձ ասեիք, որ ես երիտասարդ խաղացողի նման կարող էի հանդես գալ իմ հարազատ «Մանչեսթեր Յունայթեդում» և տիտղոսներ նվաճել, հպարտորեն ավագ լինել և 100-ից ավելի հանդիպում անցկացնել, ես Ձեզ կպատասխանեի` դա ֆանտազիա է:
Ես ոչնչի չէի հասնի առանց իմ ընտանիքի: Շնորհակալ եմ իմ ծնողներին, ովքեր օգնեցին իրականացնել երազանքներս: Ես պարտական եմ Վիկտորիային և երեխաներիս, ովքեր ինձ ոգեշնչեցին խաղալ այսքան երկար ժամանակ:
Ցանկանում եմ շնորհակալություն հայտնել իմ բոլոր թիմակիցներին, մեծ մարզիչներին, որոնցից սովորելու հնարավորություն եմ ունեցել: Նաև շնորհակալ եմ երկրպագուներիս, ովքեր աջակցում և ուժ էին տալիս` հաջողությունների հասնելու համար:
Ոչինչ երբեք ամբողջապես չի փոխարինի այն խաղը, որը ես սիրում եմ….բայց զգում եմ` սկսել է նոր արկած»,-գրել է Բեքհեմը:
Հետևեք մեզ նաև Telegram-ում