«Չելսիի» աշխատակիցներին հայտնել են` Մոուրինյոն կվերադառնա Լոնդոն

«Չելսիի» նոր գլխավոր մարզիչը, ինչպես և սպասվում էր, կլինի Ժոզե Մոուրինյոն, ով ներկայումս աշխատում է Մադրիդի «Ռեալում», պնդում են ֆրանսիական ԶԼՄ-ները: Ըստ ֆրանսիացի լրագրողների աղբյուրների’ ակումբի աշխատակիցներին արդեն տեղեկացրել են Մոուրինյոյի’ Լոնդոն վերադարձի մասին:

«Կապույտների» ճամբարից աղբյուրը նաև նշում է, որ ներկայիս մարզչական շտաբի մի մասը կաշխատի պորտուգալացի մասնագետի հետ: Մասնավորապես, լոնդոնյան ակումբում կմնա դարպասապահների ֆրանսիացի մարզիչ Քրիստոֆ Լոլլիշոնը: