Սիմեոնե. «Ռեալն» ուժեղ է «Ատլետիկոյից», բայց մեկ խաղում ամեն ինչ հնարավոր է
17/05/2013 13:48
Նմանատիպ
«Ատլետիկոյի» գլխավոր մարզիչ Դիեգո Սիմեոնեն նշել է, որ Իսպանիայի գավաթի եզրափակիչ մրցավեճում հույս ունի հաղթել «Ռեալին», հաղորդում է իսպանական մամուլը:
Արգենտինացի մասնագետը ընդգծել է, որ «Արքայական» ակումբը, ընդհանուր առմամբ, գերազանցում է իր թիմին:
-«Ռեալը» այնպիսի մրցակից է, որի հետ խաղում թույլ տված սխալները աններելի են: Իհարկե, նրանք ուժեղ են, բայց մեկ խաղում ամեն ինչ հնարավոր է: Մենք թիմ ենք, որը նվիրված է իր աշխատանքին: Մեր ֆուտբոլիստները օժտված են համեստությամբ ու աշխատասիրությամբ: Սա պայքարող թիմ է: Տա Աստված, մենք կարողանանք հույս ներշնչել մարդկանց, որ կարող ենք մրցակցել «Ռեալի» հետ,- ասել է Սիմեոնեն:
Հետևեք մեզ նաև Telegram-ում