Մալագայում Պելեգրինիի պատվին փողոց կանվանեն

Մալագայի քաղաքապետ Ֆրանսիսկո դե լա Տորրե Պրադոսը հայտարարել է, որ քաղաքի փողոցներից մեկը կանվանեն «Մալագայի» գլխավոր մարզիչ Մանուել Պելեգրինիի պատվին:

Նշենք, որ Պելեգրինին առաջին մարզիչն էր ակումբի պատմության մեջ, ում հաջողվեց Չեմպիոնների լիգայում հանդես գալու ուղեգիր նվաճել: Իսկ Չեմպիոնների լիգայում «Մալագան» կարողացավ խաղալ մինչև քառորդ եզրափակիչ, որտեղ դրամատիկ պայքարում զիջեց Դորտմունդի «Բորուսսիային»:

Հավելենք, որ դեռ պարզ չէ` եկող մրցաշրջանում Պելեգրինին կշարունակի՞ աշխատել իսպանական ակումբում, թե՞ ոչ: