«Արսենալը» ժամանակին ցանկացել է ձեռք բերել Բեքհեմին

«Արսենալի» գլխավոր մարզիչ Արսեն Վենգերը պատմել է ժամանակին Դևիդ Բեքհեմին ձեռք բերելու մտադրությունների մասին:

-Մի ժամանակ մենք իրոք ցանկանում էինք գնել Բեքհեմին, բայց այն ժամանակ չէինք կարող նրա աշխատավարձը վճարել: Հաճելի է շփվել Բեքհեմի հետ.նա արժանացել է համամարդկային հարգանքի իր վարքով, իր վերաբերմունքով` դեպի աշխատանքը:Երբեմն կարելի է մոռանալ, թե որ առաջնությունում է հաղթել ֆուտբոլիստը, այլ անպայման հիշել նրա վարքը: Դա կհիշեն միշտ,-ասել է մարզիչը: