Անչելոտի. «Ռեալի» մասին ես չեմ խոսել, այլ` լրագրողները

«ՊՍԺ»-ի գլխավոր մարզիչ Կառլո Անչելոտին նշել է, որ լիովին կենտրոնացած է իր թիմի խնդիրների վրա, հաղորդում է ֆրանսիական մամուլը:

Իտալացի մասնագետը ընդգծել է, որ երբեք չի ասել, թե բանակցություններ է վարում Մադրիդի «Ռեալի» հետ:

-«Ռեալի» մասին խոսել եմ ոչ թե ես, այլ ԶԼՄ-ների ներկայացուցիչները: Ես իմ թիմին նախապատրաստում եմ հաջորդ մրցաշրջանին,- ասել է Անչելոտին:

Հիշեցնենք’ արդեն երկար ժամանակ է’ խոսվում է, որ «Արքայական» ակումբը հետաքրքրված է Անչելոտիի ծառայություններով: Բացի այդ, մադրիդյան թիմի մարզչական նստարանը գլխավորելու ևս մեկ թեկնածու է համարվում «Բավարիայի» ներկայիս գլխավոր մարզիչ Յուպ Հայնկեսը: