Կավանիի ապագան պարզ կլինի մի քանի օրից

«Նապոլիի» հարձակվող Էդինսոն Կավանիի գործակալ Կլաուդիո Անելուչչին տեղեկացրել է, որ ուրուգվայցի ֆուտբոլիստի ապագայի հարցում հստակություն կմտցվի առաջիկա շաբաթվա ընթացքում:

-Կավանին ներկա պահին պայմանագիր ունի «Նապոլիի» հետ, բայց ամեն ինչ պարզ կդառնա առաջիկա օրերին: Ինչ-որ ակումբի, ում հետաքրքրում է խաղացողի ապագան, պետք է դիմի «Նապոլիին»,- ասել է ֆուտբոլիստի ներկայացուցիչը:

Հարձակվողի գնմամբ հետաքրքրված են եվրոպական մի շարք թոփ-ակումբներ, այդ թվում’ «Ռեալը», «ՊՍԺ»-ն ու «Մանչեսթեր Սիթին»: 26-ամյա Կավանին գլխավորում է Ա Սերիայի ռմբարկուների աղյուսակը’ 33 խաղերում խփած 28 գոլով:</