Վենգեր. «Արսենալը» կամրապնդի իր կազմը

«Արսենալի» գլխավոր մարզիչ Արսեն Վենգերը նշել է, որ ակումբը ակտիվություն է ցուցաբերելու ամառային տրանսֆերային ամիսներին, սակայն գնումների փաստը պետք չէ բարձրաձայնել:

-Առաջնության վերջին երեք ամիսները պետք է որպես ցատկահարթակ դիտարկել հաջորդ մրցաշրջանի համար: Խաղացողներին այդ հավատը պետք է մյուս տարի առաջ շարժվելու համար: Մեզ պետք է կայունություն ու կազմի ամրապնդում: Պե՞տք է մեծ գումարներ ծախսել մեկ խաղացողի համար, եթե կարելի է այդ գումարով մի քանի խաղացողներ գնել. մեզ հարկավոր է ուժեղացնել կազմը, բայց նաև կարևոր է պահպանել ներկայիս թիմի կառուցվածքը,- ասել է ֆրանսիացի մասնագետը