Ֆլորենտինո Պերես. Մոտ օրերս բանակցություններ կվարենք այլ մարզիչների հետ

Արդեն տեղեկացրել ենք, որ մրցաշրջանի ավարտից հետո Ժոզե Մոուրինյոն հեռանալու է Մադրիդի «Ռեալից»: Ակումբի նախագահ Ֆլորենտո Պերեսը հրավիրված մամուլի ասուլիսի ժամանակ ընդգծեց.

-Ցանկանում եմ շեշտել այս որոշումը փոխադարձ համաձայնության արդյունք է. դա մեր հրամանը չէ: Այլ մարզիչների հետ դեռևս չունենք պայմանավորվածություն: Դա առաջիկա օրերի աշխատանք է: Ցանկանում ենք շնորհակալություն հայտնել Մոուրինյոյին, սակայն երեք տարի անց եկել է հեռանալու ժամանակը: 

Մոուրինյոյի արդյունքները որոշ չափով դրական են. մեկ տարի առաջ մենք բոլորս գոհ էինք մրցաշրջանի արդյունքներից: Իսկ այս տարի մենք դուրս եկանք Չեմպիոնների լիգայի կիսաեզրափակիչ. դա կարող է դրական լինել մյուսների, բայց ոչ մեզ համար: