«ՊՍԺ»-ն կփորձի գնել «Ռեալի» մեկ-երկու ֆուտբոլիստների
Նմանատիպ
«ՊՍԺ»-ի ղեկավարությունը վստահ չէ, որ կկարողանա թիմում պահել գլխավոր մարզիչ Կառլո Անչելոտիին, հաղորդում են իսպանական ԶԼՄ-ները:
Իտալացի մասնագետի ծառայությունները հետաքրքրում են «Ռեալին», իսկ անձամբ Անչելոտին դեմ չէ աշխատել Մադրիդում: Սակայն նա գործող պայմանագիր ունի փարիզյան ակումբի հետ, ինչը բարդացնում է իսպանական գրանդի խնդիրը:
«ՊՍԺ»-ի նախագահ Նասեր Ալ-Հելաիֆին, իր հերթին, պատրաստվում է այս ամենից նվազագույն վնաս կրել, եթե Անչելոտին ի վերջո հեռանա Փարիզից: Դա նշանակում է, որ նրանք փորձելու են իրենց կազմն ուժեղացնել «Արքայական» ակումբի մեկ-երկու ֆուտբոլիստներով:
Ավելի վաղ տեղեկացվում էր, որ փարիզցիները հետաքրքրված են Կրիշտիանու Ռոնալդուի ծառայություններով: Նրանք ցանկանում էին գնել նաև Անխել դի Մարիային ու Գոնսալո Իգուաինին: Բացի այդ, չի բացառվում, որ «ՊՍԺ»-ն ցանկանա իր կազմում տեսնել Պեպեին ու Ֆաբիո Կոենտրաոյին: Ըստ աղբյուրի’ վերջիններիս հետ մադրիդյան ակումբը մեծ հույսեր չի կապում:
Հետևեք մեզ նաև Telegram-ում