Հենրիխ Մխիթարյանը «Շախտյորի» կազմում դարձավ Ուկրաինայի գավաթակիր
22/05/2013 22:38
Նմանատիպ
Հայաստանի ազգային հավաքականի կիսապաշտպան Հենրիխ Մխիթարյանն այս մրցաշրջանում նվաճեց երկրորդ թիմային տիտղոսը:
Դոնեցկի «Շախտյորը» Ուկրաինայի գավաթի խաղարկության եզրափակչում 3:0 հաշվով վստահ առավելության հասավ «Չեռնոմորեցի» նկատմամբ: Գոլերը հեղինակեցին Ֆերնանդինյոն, Տեյշերան և Թայսոնը: Մխիթարյանն այս խաղում բավարարվեց միայն գոլային փոխանցմամբ. նրա գեղեցիկ փոխանցումից հետո Տեյշերան խփեց «հանքափորների» երկրորդ գոլը:
«Շախտյոր»-«Չեռնոմորեց»` 3:0. Դոնեցկի թիմը Ուկրաինայի 2012-13 մրցաշրջանի գավաթակիր է:
Հավելենք` Մխիթարյանը ընդհանուր առմամբ «Շախտյորում» նվաճած մրցանակների թիվը հասցրեց 7-ի՝ 3 չեմպիոնություն, 3 Ուկրաինայի գավաթ, Ուկրաինայի սուպերգավաթ:
Հետևեք մեզ նաև Telegram-ում