Նեյմարը շուտով կորոշի` որ ակումբ է տեղափոխվելու

«Սանտոս» ֆուտբոլային ակումբը թվիթերյան իր էջում տեղեկացրել է, որ թիմի հարձակվող Նեյմարի տրանսֆերի համար այս պահին պաշտոնական երկու առաջարկ է ստացել: Հաշվի առնելով առաջարկների պայմաններն ու խաղացողի պայմանագրի դրույթները’ բրազիլական ակումբը վաճառքի շուրջ արդեն բանակցություններ է վարում: Նաև նշվում է’ Նեյմարը շուտով պետք է որոշի, թե որ ակումբի առաջարկին է դրական պատասխան տալու:

Նեյմարը, ով այս տարի դարձավ 21 տարեկան, կարողանում է խաղալ ձախ ու կենտրոնական հարձակվողների դիրքում: «Սանտոսի» կազմում սկսած 2009 թվականից նա Բրազիլիայի առաջնության շրջանակներում անցկացրել է 102 հանդիպում’ աչքի ընկնելով 54 անգամ, իսկ հավաքականի կազմում վիճակագրությունն այսպիսինն է’ 32 խաղ, 20 գոլ: