«Անժին» Մոուրինյոյին ու Կոնտեին աստղաբաշխական առաջարկներ է արել

Իտալական Sportitalia հեռուստաալիքի լրագրող Ալֆրեդո Պեդուլլան պատմել է «Անժիի»’ «Յուվենտուսի» գլխավոր մարզիչ Անտոնիո Կոնտեի ու Ժոզե Մոուրինյոյի նկատմամբ ունեցած հետաքրքրության մասին:

-Հիդինկը կլքի «Անժիի» գլխավոր մարզչի պաշտոնը, նրա պայմանագրի ժամկետը լրանում է հունիսին:

Այդ իսկ պատճառով էլ «Անժին» առաջարկ էր կատարել Անտոնիո Կոնտեին’ պատրաստ լինելով նրան վճարել տարեկան 10 մլն. եվրո աշխատավարձ: Սակայն Անտոնիոն որոշեց մնալ «Յուվենտուսում»:

Բացի այդ, մախաչկալյան ակումբը մի քանի օր առաջ դիմել էր Մոուրինյոյին’ նրան առաջարկելով երեք տարվա համար վճարել 70 մլն. եվրո,- ասել է Պեդուլլան:

Հիշեցնենք’ ավելի վաղ հաղորդվում էր, որ ռուսական ակումբը գլխավորելու թեկնածու է համարվում նաև «Մանչեսթեր Սիթիի» նախկին գլխավոր մարզիչ Ռոբերտո Մանչինին: