Չեմպիոնների լիգայի եզրափակչի ժամանակ ահաբեկչությու՞ն

Չեմպիոնների լիգայի եզրափակիչ հանդիպումը Գերմանիայում կցուցադրվի Բեռլինում` Բրանդենբուրգյան դարպասների մոտ: Սովորաբար, հենց այստեղ են երկրպագուները հետևում Գերմանիայի հավաքականի և գերմանական թիմերի ելույթներին խոշոր մրցաշարերի ժամանակ:

Սակայն, ցավոք, տոնը կարող է վերածվել ահաբեկչության….Spiegel-ը հաղորդում է, որ Գերմանիայի հանցավոր հետախուզությունների ֆեդերալ բյուրոյի ղեկավար Յորգ Ցիրկը տեղեկատվություն է ստացել, որի համաձայն` ահաբեկիչները պատրաստվում են ահաբեկչություն կազմակերպել Գերմանիայում: Հավանական է, որ ահաբեկիչների թիրախը կարող են դառնալ հենց Բեռլինում ՉԼ-ի եզրափակչին հետևող երկրպագուները:

Այս իսկ պատճառով` Բեռլինում և Գերմանիայի այն բոլոր քաղաքներում, որտեղ կազմակերպվելու է ֆուտբոլի մասսայական դիտումը, անվտանգության աշխատակիցների խիստ հսկողություն է սահմանվել: