«Ռեալը», «Միլանը», «Յուվենտուսն» ու այլք կմասնակցեն ԱՄՆ-ի մրցաշարին

Եվրոպական յոթ ակումբներ’ «Ռեալը», «Միլանը», «Չելսին», «Յուվենտուսը», «Ինտերը», «Վալենսիան», «Էվերտոնն» ու ամերիկյան «Լոս-Անջելես Գելեքսին» կմասնակցեն այս տարվա ամռանը կայանալիք Չեմպիոնների միջազգային գավաթին:

Ութ թիմերը կբաժանվեն երկու խմբի’ Արևելքի ու Արևմուտքի: Այնուհետև տեղի կունենա փլեյ-օֆֆ փուլը:

Հանդիպումները կկայանան ԱՄՆ-ի հինգ քաղաքներում’ Սան-Ֆրանցիսկոյում, Ինդիանապոլիսում, Լոս-Անջելեսում, Ֆինիկսում ու Նյու-Յորքում’ հուլիսի 27-ից օգոստոսի 7-ը ընկած ժամանակահատվածում:

Կիսաեզրափակչի խաղերը կկայանան օգոստոսի 3-ին ու 4-ին, Նյու-Յորքում ու Լոս-Անջելեսում, եզրափակիչը’ օգոստոսի 7-ին, Մայամիում: Նշենք’ մրցաշարի հովանավորը կլինի Guinness հանրահայտ գարեջրային ընկերությունը: