Ֆալկաոն շնորհակալություն է հայտնել «Ատլետիկոյի» երկրպագուներից
27/05/2013 13:25
Նմանատիպ
«Ատլետիկոյի» հարձակվող Ռադամել Ֆալկաոն շնորհակալություն է հայտնել մադրիդյան թիմի երկրպագուներից’ իր նկատմամբ սիրո ու հարգանքի համար, հաղորդում է իսպանական մամուլը:
Կոլումբիայի հավաքականի հարձակվողը դա արել է ազգային առաջնության 37-րդ տուրի’ «Մալյորկայի» հետ տնային հանդիպումից հետո, որն ավարտվեց ոչ-ոքի: Խաղից հետո մադրիդյան ինչադան վանկարկում էր Ֆալկաոյի անունը ու խնդրում նրան չլքել թիմը:
-Այս երկու տարիները «Ատլետիկոյի» հետ ուղղակի հրաշալի էին: Թիմի երկրպագուները միշտ մեզ հետ են, ու ես շնորհակալ եմ նրանց,- ասել է Ֆալկաոն:
Հիշեցնենք’ կոլումբիացու ծառայություններով հետաքրքրված են եվրոպական մի շարք գրանդ ակումբներ: Վերջին ժամանակներս շատ է գրվել, որ նա մոտ է «Չելսի» կամ «Մոնակո» տեղափոխվելուն:
Հետևեք մեզ նաև Telegram-ում