Վիլանովան հաջողություններ է մաղթել Մոուրինյոյին
Նմանատիպ
«Բարսելոնայի» գլխավոր մարզիչ Տիտո Վիլանովան հաջողություններ է մաղթել «Ռեալի» իր գործընկեր Ժոզե Մոուրինյոյին, հաղորդում են իսպանական ԶԼՄ-ները:
Հիշեցնենք’ պորտուգալացին մրցաշրջանի ավարտից հետո լքելու է մադրիդյան ակումբն ու, ամենայն հավանականությամբ, գլխավորելու «Չելսին»:
-Մոուրինյոն’ աշխարհի ուժեղագույն մասնագետներից մեկն է: Նրան հաջողություններ եմ մաղթում,- ասել է Վիլանովան:
Հիշեցնենք’ Մոուրինյոյի աշխատանքը Մադրիդում միշտ էլ իրադարձություններով լի է եղել: Առանձնահատուկ տեղ են զբաղեցնում «Ռեալի» ու «Բարսելոնայի» միջև «Էլ Կլասսիկոները»: Պորտուգալացին երկու գրանդների միջև հանդիպումներից մեկի ժամանակ, երբ խաղադաշտում քաշքշուք էր երկու թիմերի ֆուտբոլիստների միջև, մոտեցավ Վիլանովային ու մատը մտցրեց նրա աչքի մեջ: Այն ժամանակ նա դեռ Պեպ Գվարդիոլայի օգնականն էր: Իսկ խաղից հետո Մոուրինյոն ասաց. «Ես ընդհանրապես չգիտեմ, թե ով է այդ Պիտո Վիլանովան»:
Հետևեք մեզ նաև Telegram-ում